عدد المساهمات : 2378 نقاط التقيم : 3065 تاريخ التسجيل : 06/02/2010 العمر : 37 الاقامة : أقبور
موضوع: ஓ♥ يومياتي (قربيش) بقلمي الخاص ஓ♥ الأحد 22 أغسطس 2010 - 12:26
السلام عليكم ورحمة الله تعالى وبركاته
أهلا بكل أعضاء المنتدى الغالي
الحلقة الثالثة
يامس وأنا مريح نقتل في الوقت ونحسب للآذان نتاع المغرب (قد ما يقرب الآذان قد ما يطوال الوقت) كنت نتفكر هادوك ليامات نتوع زمان وين كنا نقراوا في قربيش (المدرسة القرآنية) اييييييييييييييييييييييييييييييه، أنت راقد في عاشر نوم وتجي أمك تنوضك وتقول ليك بالعياط نوض توضى وصلي باش تروح لقربيش نوض. وهي تقول ليك لقربيش وأنت عينيك يولوا حمر من لقربيش، وتقعد تقول في راسك (كل يوم قربيش واش هاد قربيش ما يقضى). أيوا تروح تتوضى هاداك لوضوا نتاع واحد تقول يشري الماء بالدهب أيديك نصها ناشف ونصها مبلول والرجلين يقعدوا غبش، وتلقط لوحك وتبدأ المسيرة نحوى عالم آخر تحكمه قوانين أخرى. وجي داخل خوكم هادا لقربيش روطار عينيا مازال مغمضين، تقول واحد كاره الدنيا حاب يسويسيدي ويبدأ الحوار مع الطالب.
الطالب: هادا هو وقت قربيش، أهههههههه وين كنت إلا ضروك. أنا: سيدي طالب طولت على خاطر نعالتي تقطعتك وكانت أما تخيطها ليا (يارب أغفر ليا والله لمحال) الطالب: نعالتك تقطعت أههههه تعالى حفيان ولا رجليك فيهم الحنة. روح أكتب لوحتك واقراها راهي القايلة.
قربيش لي كنت نقرا فيه كان مقسم على تلاتة: بلاصة نتاع العيل لكبار (عاقلين زعمة صح كبار) وبلاصة نتاع المتوسطين (تماك القصرة واللعب) وبلاصة نتاع الصغار معاهم لبنات (الحضانة). وكنا حنا لولاد كي نجوا لقربيش كل واحد يجيب معاه كسكروط نتاع خبز ما يهمش واش فيه (كاين لي جيب فيه اللوبيا، كاين العدس، كاين لي يجيب فيه حاجة unconnu) على حساب لفطور لي عندكم في الدار. ونديروا التقسام (تبادل المنفعة) المهم لي جاب اللحم في خبزتوا هو لمخير فينا وهو لي يولي صاحبنا هاداك النهار. ايييييييييييييييييه نشفى good boy كان يقرا معايا كان عندوا لوح طويل كيما راسوا. كان قربيش معمر من راسوا إلى رجليه، هادا يقصر وهادا يلعب وهادا يقسم مع صاحبوا وهادا يضارب وهادا راقد والعاقل فينا تلقاه غير ساكت ويتفرج. وكي يجي الطالب نولوا قاع نقراوا بالعياط زعمة أني كنت نقرا من الصباح (زعمة الطالب ماراهوش فايق لينا ....طزززز) ويجبد علينا بالمزفل شششششطططططحححححح ششششططططححححححح لي يبكي يبكي ولي يشفى يشفى ولي يضحك يضحك وهاكا حتى يقضى النهار. وكانت أجمل لحظة عندنا هي لحظة الخروج (تقول كنت في الحبس).
واليوم تعالوا شوفوا قربيش نتاع 2010 الطالب وحدوا يقري فيه مسكين غير هو والدراري الصغار نتوع 8 سنين و9 و10 والحيط. وإلا الطالب حط ايدوا على كاش واحد غبر وغبروا كواعطوا يجي بوه ويسمع الطالب لكلام لمليح ويدي ولدوا لطبيب يدير ليه les analyses ويخرج ولدوا من قربيش إلى الأبد وبالاك تلحق للحكومة (ماهيش بعيدة). اييييييييييييه هادوك ليامات لحلوة راحوا وما يرجعوش
إلى اللقاء في الحلقة القادمة
أسامة الجزائري عضو مميز
عدد المساهمات : 2725 نقاط التقيم : 3083 تاريخ التسجيل : 13/05/2010 العمر : 35
موضوع: رد: ஓ♥ يومياتي (قربيش) بقلمي الخاص ஓ♥ الأحد 22 أغسطس 2010 - 12:49
آه ياخويا كينغ و الله فتنا في هاداك الوقت كيما انت بصح حنا ناقصين شوي التشاغيب على خاطر الطالب تاعنا كان مزيرو قبلو كانت تقريني طالبة تفاتنت معاها و حولني بويا للقربيش تاني تما بدا الصح تغلط تخلص راك تشفى عزوز الثقة
riadtam2002 مشرف عام
عدد المساهمات : 3635 نقاط التقيم : 4821 تاريخ التسجيل : 15/03/2010 العمر : 44
موضوع: رد: ஓ♥ يومياتي (قربيش) بقلمي الخاص ஓ♥ الأحد 22 أغسطس 2010 - 13:17
يوميات هايلة يا الكينغ مي بصحتك على الاقل راك خرجت بفايدة مي وعلاش تفضح و تمنشر فقود بوي مسكين و تعايرو حقة واش من اقربيش كنت تقرا فيه انا عمري ما شفتك رافد لوحك او رايح تقـــــــــــــــــــــــــرا
king akbour عضو مميز
عدد المساهمات : 2378 نقاط التقيم : 3065 تاريخ التسجيل : 06/02/2010 العمر : 37 الاقامة : أقبور
موضوع: رد: ஓ♥ يومياتي (قربيش) بقلمي الخاص ஓ♥ الأحد 22 أغسطس 2010 - 13:35
riadtam2002 كتب:
يوميات هايلة يا الكينغ مي بصحتك على الاقل راك خرجت بفايدة مي وعلاش تفضح و تمنشر فقود بوي مسكين و تعايرو حقة واش من اقربيش كنت تقرا فيه انا عمري ما شفتك رافد لوحك او رايح تقـــــــــــــــــــــــــرا
ههههههههههههههههههه باينة واش من قربيش من أسمي لي راني حاطوا
handreferee مشرف
عدد المساهمات : 2800 نقاط التقيم : 3089 تاريخ التسجيل : 06/08/2010 العمر : 105 الاقامة : اللي يغلط يدي بطاقة حمراء ويخرج من اللعبة
موضوع: رد: ஓ♥ يومياتي (قربيش) بقلمي الخاص ஓ♥ الأحد 22 أغسطس 2010 - 13:52
والله غير رجعتنا لواحد ليام بدا دير موضوع طول خلينا ننساو الصوم يلاهههههههه
GOOD BOY الادارة
عدد المساهمات : 3359 نقاط التقيم : 3819 تاريخ التسجيل : 11/11/2009 العمر : 37 الاقامة : اقبور
موضوع: رد: ஓ♥ يومياتي (قربيش) بقلمي الخاص ஓ♥ الأحد 22 أغسطس 2010 - 22:13
ايه king akbour راك نسيت واحد القصة صرات ليك زعما ما تتفكر ولا ضير روحك نسيت
منيش قايلها باش نفضحك بصح نحكي غيرها ؟؟ شافي كنت تجي غبش و رجليك غبش كيما وجهك
كنت تسرح شعرك بالكروكس ( لمشط )هههههة تقول داير قفة انتع تمر فوق راسك
انت كنت مشهور بحاجة في التقسام ( تبادل المنفعة في الطعام ) كنت تجيب ديما السفوف
و كان عندك واحد اللوح محفور من فوقوا ههههههههههههة
و الله ايمات و راحت منيش حاب نفضحك عيب و الله
بحر عضو مميز
عدد المساهمات : 797 نقاط التقيم : 1152 تاريخ التسجيل : 19/03/2010 العمر : 40 الاقامة : عين صالح
موضوع: رد: ஓ♥ يومياتي (قربيش) بقلمي الخاص ஓ♥ الإثنين 23 أغسطس 2010 - 1:03
خويا كينغ نسقسيك ختمت القرآن ولا والو خطر قصتك مع أقربيش تشفي لازم تكون خرجت بحاجة على الاقل
riadtam2002 مشرف عام
عدد المساهمات : 3635 نقاط التقيم : 4821 تاريخ التسجيل : 15/03/2010 العمر : 44
موضوع: رد: ஓ♥ يومياتي (قربيش) بقلمي الخاص ஓ♥ الإثنين 23 أغسطس 2010 - 1:23
ايوا يا الكينغ و قود بوي خليكم من لفضايح ياسر راكم كبرتو ههههههههههه
حنون11 مشرفة عامة
عدد المساهمات : 2609 نقاط التقيم : 4337 تاريخ التسجيل : 26/03/2010
موضوع: رد: ஓ♥ يومياتي (قربيش) بقلمي الخاص ஓ♥ الإثنين 23 أغسطس 2010 - 1:50
ماشاء الله اذا اخي الكينغ و اخي قوود بوي اصدقاء منذ الطفولة
هنيئا لكم بهذه الصداقة
وربي يخليكم لبعض
أمال الحرة مشرفة
عدد المساهمات : 3332 نقاط التقيم : 3919 تاريخ التسجيل : 06/07/2010 العمر : 48 الاقامة : في إحدى الولايات المجا
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 24 أغسطس 2010 - 13:26
يعني قربيش لي هو المدرسة بالراء الساكنة، لي هي عندنا المدرسة القرآنية، ما نكذبش عليكم و الله كنت نشفى نقراو عند شيخ ، شبعنا ضرب معاه خاصة الفلقة لكن أظن أيامكم مرت على احسن الأحوال و ان شاء الله كامل تخرجتو لاباس بكم
knfiunz مشرف عام
عدد المساهمات : 3537 نقاط التقيم : 4274 تاريخ التسجيل : 23/02/2010 العمر : 34
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 13:46
واش ان انقوليكم على الذكريات انتوع اللقربيش انا كنت نقرى مع اسامة الجزائري في اللقربيش و لي يغلط اخلص اه يا كينك و يا كود بوي بديتوا في لفضايح هههههههههههههه
أسامة الجزائري عضو مميز
عدد المساهمات : 2725 نقاط التقيم : 3083 تاريخ التسجيل : 13/05/2010 العمر : 35
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 14:25
أنت معانا والو ماني معاكم شفيت عليها عزوز هههههههههههههههه
knfiunz مشرف عام
عدد المساهمات : 3537 نقاط التقيم : 4274 تاريخ التسجيل : 23/02/2010 العمر : 34
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 14:28
وليت تتبرى دروك و الغير انفضحك
أسامة الجزائري عضو مميز
عدد المساهمات : 2725 نقاط التقيم : 3083 تاريخ التسجيل : 13/05/2010 العمر : 35
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 14:30
هههههههههه كنت مأدب ماعندك ماتفضح فيا أما أنت كل يوم دير فالصدايع و كل يوم واقف هههههه
knfiunz مشرف عام
عدد المساهمات : 3537 نقاط التقيم : 4274 تاريخ التسجيل : 23/02/2010 العمر : 34
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 14:38
حوحو يشكر في روحو
أسامة الجزائري عضو مميز
عدد المساهمات : 2725 نقاط التقيم : 3083 تاريخ التسجيل : 13/05/2010 العمر : 35
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 14:45
هههههههههههههههههه اسك خير ليك
knfiunz مشرف عام
عدد المساهمات : 3537 نقاط التقيم : 4274 تاريخ التسجيل : 23/02/2010 العمر : 34
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 14:52
الله يعطينا الصبر معاك يا اسامة فضحتنا يعطيك كشفة
أسامة الجزائري عضو مميز
عدد المساهمات : 2725 نقاط التقيم : 3083 تاريخ التسجيل : 13/05/2010 العمر : 35
موضوع: رد: ஓ♥ يومياتي (قربيش) بقلمي الخاص ஓ♥ الثلاثاء 31 أغسطس 2010 - 14:57
ههههههههه هادي البداية برك صدايعك مايقضاو قاع
king akbour عضو مميز
عدد المساهمات : 2378 نقاط التقيم : 3065 تاريخ التسجيل : 06/02/2010 العمر : 37 الاقامة : أقبور
موضوع: رد: ஓ♥ يومياتي (قربيش) بقلمي الخاص ஓ♥ الأربعاء 1 سبتمبر 2010 - 22:23
أنتوما تاني بديتوا فلفضايح الله يسترنا على حساب ماراني نشوف كنتوا دايرين حالة ههههههههههههه
أسامة الجزائري عضو مميز
عدد المساهمات : 2725 نقاط التقيم : 3083 تاريخ التسجيل : 13/05/2010 العمر : 35
موضوع: رد: ஓ♥ يومياتي (قربيش) بقلمي الخاص ஓ♥ الأربعاء 1 سبتمبر 2010 - 23:01
مابقات ديقة مادراها في لقربيش ولى الطالب يخاف منو
king akbour عضو مميز
عدد المساهمات : 2378 نقاط التقيم : 3065 تاريخ التسجيل : 06/02/2010 العمر : 37 الاقامة : أقبور
موضوع: رد: ஓ♥ يومياتي (قربيش) بقلمي الخاص ஓ♥ الأربعاء 1 سبتمبر 2010 - 23:54
هههههههههههههه هاكداك
GOOD BOY الادارة
عدد المساهمات : 3359 نقاط التقيم : 3819 تاريخ التسجيل : 11/11/2009 العمر : 37 الاقامة : اقبور
موضوع: رد: ஓ♥ يومياتي (قربيش) بقلمي الخاص ஓ♥ الخميس 2 سبتمبر 2010 - 4:43
لالا دورك عقلنا ياخاوتي زعما
بكري كان الكينغ جايح ضوك ناس ملاح خاطيه المشاكل عندو زوج حجات و عمرة ونص
ههههههههههههههههههههههههة
أسامة الجزائري عضو مميز
عدد المساهمات : 2725 نقاط التقيم : 3083 تاريخ التسجيل : 13/05/2010 العمر : 35
موضوع: رد: ஓ♥ يومياتي (قربيش) بقلمي الخاص ஓ♥ الخميس 2 سبتمبر 2010 - 4:49
زوج حجات ماعليش عمرة ماعليش بصح كيفاه النص هادي
king akbour عضو مميز
عدد المساهمات : 2378 نقاط التقيم : 3065 تاريخ التسجيل : 06/02/2010 العمر : 37 الاقامة : أقبور
موضوع: رد: ஓ♥ يومياتي (قربيش) بقلمي الخاص ஓ♥ الخميس 2 سبتمبر 2010 - 13:02
كي رحة نعمر وصلت نص طريق ورجعة
بحر عضو مميز
عدد المساهمات : 797 نقاط التقيم : 1152 تاريخ التسجيل : 19/03/2010 العمر : 40 الاقامة : عين صالح
موضوع: رد: ஓ♥ يومياتي (قربيش) بقلمي الخاص ஓ♥ الجمعة 3 سبتمبر 2010 - 12:46
يا عيني عليكم
Mr.raouf مشرف
عدد المساهمات : 598 نقاط التقيم : 1038 تاريخ التسجيل : 17/03/2010 العمر : 31 الاقامة : http://korawor.eb2a.co
موضوع: رد: ஓ♥ يومياتي (قربيش) بقلمي الخاص ஓ♥ الجمعة 3 سبتمبر 2010 - 13:18
king akbour عضو مميز
عدد المساهمات : 2378 نقاط التقيم : 3065 تاريخ التسجيل : 06/02/2010 العمر : 37 الاقامة : أقبور
موضوع: رد: ஓ♥ يومياتي (قربيش) بقلمي الخاص ஓ♥ الجمعة 3 سبتمبر 2010 - 15:32
knfiunz مشرف عام
عدد المساهمات : 3537 نقاط التقيم : 4274 تاريخ التسجيل : 23/02/2010 العمر : 34
موضوع: رد: ஓ♥ يومياتي (قربيش) بقلمي الخاص ஓ♥ الأحد 5 سبتمبر 2010 - 3:04
معليش يا اسامة اك عارفني و لا مزال خويا اسامة
س علاء عضو مميز
عدد المساهمات : 244 نقاط التقيم : 319 تاريخ التسجيل : 07/09/2010 العمر : 35 الاقامة : قصر المرابطين*(MORA SITI)*
موضوع: رد: ஓ♥ يومياتي (قربيش) بقلمي الخاص ஓ♥ الأربعاء 22 سبتمبر 2010 - 17:11