ஓ♥ يومياتي (مجنون لي يتبع التليفيزيون) بقلمي الخاص ஓ♥

السلام عليكم ورحمة الله تعالى وبركاته

ها أنا أعود إلى صفحات المنتدى العزيز بعد الغياب لفترة وجيزة نتيجة انقطاع النت (من عندهم)

وبما أن النت كان مقطوع عليا يعني أنو ماكانش قاع واش دير غير الماكلة والرقاد وبيع لبلاد وتفراج في تليفيزيون حاشاكم وحاشة قاع الناس لي راهم يقراو، حمدت ربي لي كاين البارابول علىى الأقل نتفرج mbc نشوف طاش ما طاش نح بيه شوية الغمة نتاع اليتيمة.
واحد البرامج واحد المسلسلات يطلعوا ليك السكر والملح ويحكمك بحمرون إلا تفرجتهم، عادوا كيما قالوا ناس زمان "هزني باش نضحك" والدليل (الجمهور الوهمي والضحكات المسجلة) مكلاش نهدر ليك على الاشهارات لي يقلعوا لخلاق.
والحاجا لمليحة فهادا الشهر أنو في الدار نتجمعوا على المائدة الرمضانية بصح غير نديروا اليتيمة نبداو نتشتتوا أمالا نقول ليك حاجة خليه طافي يرحم باباك.
والمصيبة كل عام نشتكوا من الردائة والمهزلة لكن "لمن تقرأ زابورك يا داود".
كاين واحد المسلسل يجي في دزاير غير يبدا حنا نبدلوا دزاير ونديروا البارابول سميتوا إلا ما رانيش غالط "مجنون التلفيزيون" يرحم باباكم قولوا لي هاداك مسلسل يتبعوا الصايم ولا أنا الصايم النهار قاع ومبعد نفطر على بصلة، إلا حطوني أنا مخرج والله غير ندير واحد خير منوا 1000 مرة.
ديجا حنا في الدار ما نعيطوش ليه مجنون التلفيزيون نعيطو ليه "مجنون لي يتبع التليفيزيون".

فاصل اشهاري ونعود
لا تذهبو الى الحمام

إلى اللقاء في الحلقة القادمة

ههههههههههههة

انت و يومياتك هادي مسكين و الله ديما تشكي

عندك الحق خويا لعزيز لوكان غير جابو في التلفزيون مجنون الانترنت و يومياته ( king akbour )

بصح نقول الصح انت يومياتك تعجب ما تحرمناش من يومياتك راك تطلع لينا المورال خوا

بصحتنا

وااااااااااااااه

الله يسلمك خويا good boy لعزيز فرحتني
صحيتو على المرور الزين

و الله يوميات تبارك الله باين خويا الكينغ كل نهار و نهارو ايوا ما تحرمناش من يومياتك باش نحسو روحنا ساكنين معاك
ربي يبارك فيك

صح صح كينغ، ماشي انت سيناريست تاع جاك لفيلم
زعما ماشي انت لمجنون
لمهم 10 يام لأخرين شوفلنا حاجة مليحة نعيدو بها
صح فطورك 12 يوم

صح أنا مجنون بصح ماشي سيناريست على خاطر حتى المجنون وما يديرش كيما هاك

فرحتوني كي شفتكم في الموضوع نتاعي GOOD BOY وعين صالح وriadtam2002 وأمال الحرة

ماتخافش أنا وياكم والزمان طويل

ماشاء الله علي نشرة الدار مشكور اننا ننتظر المزيد من النشرة الدار

الله يسلمك ان شاء الله نكونو عند حسن ظن القارئين الأعزاء

موضوع غاية في التميز، بوركت
وبورك فيك
نتمنى المزيد من تألقاتك بالمنتدى فلا تحرمنا منها
رجاء
لا فض فوك
ஓ♥ يومياتي (مجنون لي يتبع التليفيزيون) بقلمي الخاص ஓ♥ 31141_1209757293gif

ஓ♥ يومياتي (مجنون لي يتبع التليفيزيون) بقلمي الخاص ஓ♥ 31141_1209757293gif

مشكور كينغ اقبور على اليوميات كما نود منك فتح قسم مناسب في منتدى الاغاز نتبادل فيه الالغاز يوميا او طرح المسابقات خلال الفنترة المسائية في رمضان

كتخرج كاتب رواياة اخر ليك

هههههههههههه

شفت كيفاه أنت لي تفهمني

ههههههههههههههههههههه

هل من جديد

رانا نسناوا

كاين جديد

» ஓ♥ يومياتي (في سنة 2020) بقلمي الخاص ஓ♥
» ஓ♥ يومياتي (ربي يهدي ما خلق) بقلمي الخاص ஓ♥
» ஓ♥ يومياتي (الموضى -1-) بقلمي الخاص ஓ♥
» ஓ♥ يومياتي (الموضى -2-) بقلمي الخاص ஓ♥
» ஓ♥ يومياتي (وقت اضافي) بقلمي الخاص ஓ♥