ஓ♥ يومياتي (مجزرة العيد) بقلمي الخاص ஓ♥

بسم الله الرحمن الرحيم

السلام عليكم وأهلا بكل أعضاء المنتدى
العاقلين منهم والمجنونين
الأغنياء منهم والفقراء
الخدامين منهم والبطالة
الناشطين منهم والكسالة
النساء منهم والرجالة
كل عام وأنتم بـ 100000خير وعافية وسلامة

أولا:هدي دخلة خطيرة مني باش تسامحوني على هاد الغياب الطويل عليكم.

ثانيا: الحمد لله على انتهاء المجزرة التي اقترفوها بني البشر على بني كبشون والخروج منها بأقل الأضرار
"الجزارين والسكاكين والدماء و.......يالطيف منظر مرعب وكأننا في مجزرة ما او حرب ما"
ضحايا هذه المجزرة كانوا كلهم من قبيلة بني كبشون الذين ذبحوا كلهم الله أعلم بعدد الذبائح أو كيف ذبحوا.
كاين لي يترفع "بجيدو" ويزدحوا للارض ويذبحوا
كاين لي يجي مكرور من كرعيه
كاين لي يزغردوا عليه ويصلوا على النبي باش عاد يدبحوه
وكاين لي يتمرمد ويعافها بصلة باش داك الوقت يضحوا بيه
بيناتنا (كاين لي ديروا ليه حتى الحنة خصهم غير يلبسوه روبة نتاع لعروس)
فتعددت الأساليب والموت واحد
المهم أنا ما طقتش نشوف كل هاد المناظر المرعبة
ومبعد كل هادا يتهلاو فيه مليح ويطبقوا فيه كل أساليب التعذيب والتنكيل من نفخه وتعليقه وسلخه سلخا.
ومبعد كي يجي لفطور نشوو الكبدا والكلوة والقلب ونديروا الشلايط وووو....كل واحد وكيفاش

وكي يخلاص هادا كلش نجوا نطلوا على شوارع وزناقي نتوعنا واش حنا عندا لعقل ولا والو؟.
نخرجوا قاع هادوك نتوع بقيا نتاع تشواط ولقرون ولحطب و.....من ديورنا ونرموهم في الشارع فيكون يوم عيدنا هو يوم تعب وألم عمال النظافة. على كل حال الله يهدي ما خلق
وما ننساش نقول ليكم صح عيدكم وكل عام وأنتم بخير يا أهل الخير.

نشوفكم قريبا ان شاء الله
مع تحيات أخزكم في الله: KING AKBOUR

هذي صح مجزرة حقيقية، بصح هنا واحد الكبش فاق بلي راه.........تعرف واش دار سويسيدا من البالكونا
صح ماشي خرطي..........من بعد لحقو به في الأرض ذبحوه
صح صح ، كبشكم درتولو الحنة............؟؟؟ههههههههههههه

حتى الكبش لي حاب يسويسيدي ماخلاووش .........!!!!!!؟؟؟؟؟؟
لالا حنا كبشنا لبسناه الفرقاني ودرنا ليه الكورتاج قبل ما نذبحوه

هههههههههههههههههههههههه
كلا وعجبوا يا كينك
مشكور على اليومية الرائعة

نورتنا من جديد بمواضيعك
شكرا كينغ على التعليق الرائع وحقا صارت مجزرة حتى ان بعض الاحياء كانو اذبحو الكباش جماعيا

دامت ابداعاتك اخي كينغ .....

دمت لنا يا كينغ ............
مشكور عن اليوميات ..............

مشكورين جزيل الشكر على المرور

شكون فيكم لي تتخم يرفع يدوا ؟؟؟؟؟

عذا المرة سلكت

هههههههههههههههههههههههههههههههههه
ههههههههههههههههههههههههههههه
ههههههههههههههههههههههه
ههههههههههههههههه
ههههههههه
ههههه
ههه

أنا تتخمت واش فيها . انت ماخرجتش كامل

واش يا الكينغ بعد ما عمرتها ملفوف و لحم النار و شبعت مليح باش رجع ليك عقلك و عرفت بلي راك مقترف مجزرة في حق بني كبشون كيما قلت ...ايوا راك روطار من المفروض هادا قبل العيد ....

انفراد وتميز في القمة
بارك الله فيك الاخ كينق ، راك دوختنا بهاد اليومية
مشكور

» ஓ♥ يومياتي (فرحة العيد) بقلمي الخاص ஓ♥
» ஓ♥ يومياتي (الموضى -1-) بقلمي الخاص ஓ♥
» ஓ♥ يومياتي (الموضى -2-) بقلمي الخاص ஓ♥
» ஓ♥ يومياتي (وقت اضافي) بقلمي الخاص ஓ♥
» ஓ♥ يومياتي (شهر الرحمة) بقلمي الخاص ஓ♥