ما راح اسميك حلوة لا تلوميني
إن قلت حلوة ترى ما هي جديدة
إتهبلي يا غلا لك ما تكفيني
جملة سمعتيها مراتٍ عديدة
وش بوصفك انتِ أجمل ما رأت عيني
حيرني وصفك ولا أقدر أصيده
لا هو سعودي ولا كويتي وبحريني
أجمل واخذ من وصوف الحسْن سيده
انتِ جمالك يفوق الوصف ماليني
يسبح على بحر عيني والقصيدة
من بين كل البشر جيتي عشقتيني
قلبك بكفي وأنفاسك بعيدة
جيمك سحرني سبق من لهفته سيني
ضيّع سؤالي وحيرني وعيده
واللي بهرني بإحساسك كتبتيني
عطّر شذا ريشتك خد الجريدة
فهمت من نظرتك وانتي فهمتيني
الساعي القلب وأحداقك بريده
مندوبة الروح عينك لو سألتيني
وشلون تفضح أحاسيسٍ عنيدة ؟!
يكفي على موقها باتت عناويني
كنت احسب الرمش والثاني مكيدة
واحد غدا سقف غيماتٍ تباريني
والثاني الدرب لأوطان الوحيدة
شفت الدوا .. شفّتك لما تناديني
عفت الشفا .. عفّتك كانت فريدة
شهدك نهر زارني يروي شرايني
والقلب يخفق لك ويطرب وريده
شفتي شروق وْغروب الشمس وسنيني
واللي مضى قبل شوفك ما أريده
ترفقي واحضني كفي وخليني
أكتب على خافقك حبي رصيده
[center] azoz sika