ஓ♥ يومياتي (فرحة العيد) بقلمي الخاص ஓ♥

السلام عليكم ورحمة الله تعالى وبركاته

صح عيدكم خاوتي وكل عام وانتم بـ 1000 خير تعيدوا وتزيدوا يحضرنا ويحضركم للقابل ان شاء الله

راه جا العيد وصار لازم نروحوا نزوروا الاهل والأحباب هادوك لي لينا بزاف ما شفناهمش،نشوفوهم غير مرتين في العام مرة في العيد لكبير ومرة في العيد الصغير، وأنا في طريقي تفكرت هادوك ليام كي كنت صغير كي فاش كنت نفوت ليلة العيد نرقد ولحوالا الجداد نتوعي يرقدوا حدايا مكانش يجيني قاع النعاس نبات نخمم فيهم ونستنى الشمس وقتاش تطلع باش نلبسهم.

وفي صباح العيد باينة نروح نصلي العيد وكي نكملوا الصلاة نبداو نخمموا واش من دار نمشوا ليها يكون عندهم القاطو بزاف "خالتي فلانة تخدم القاطوا بزاف هي لي نسبقوا بيها وخالتي فلانة ما تخليناش نخيروا هي لي تمد لينا نخلوها هي الزاوجة وعمتي فلانة ما عندهاش القاطوا تعطينا غير الريحة نديروها خليها هي التالية"
وهاك حتى يخلاص النهار ونرجعوا للدار نعدوا الغنيمة وكنا نزوخوا على بعضانا شكون لي لمد بزاف القاطوا على صاحبوا.

كنا نوصلوا للدار عيانين تعبانين على خاطر حوصنا لبلاد كامل ما نخلوا حتى بلاصة نطيحوا طول راقدين.
اييييييييييييييييييييييييه كي نتفكر هادوك ليام تحكمني حسرة كلشي كان مليح كنا نحسوا بالعيد ونفرحوا بيه كانت البرائه وكنا نرضاو بالقليل.

"أما الآن فلا حلاوة لأي شيء ومطالب هذا الجيل معقدة مثله و تعجيزية"

وأنتوما كيفاش كنتوا تفوتوا العيد؟

تقبلوا جزء من يومياتي

بقلم أخوكم في الله : king akbour

انا مكلاش نقول ليك انت عارف خليني نقول للغاشي انتاعنا باش يفهم شوي

وينها ديك ليام كي نمشي مع بويا للحانوت بغرضي نشريها كل م نزيد كي نشري لحوالا نجيبهم لدار نقعد غير نقيس

فيه بلاك صغارو نشوف العيد طول و هو باقي لي غير يومين ولا ثلاثة و نزيدك و الله ما نوري حولايا حتى لصاحبي

بلاك يغيرو و يشرو كيفي و في العيد يقعد يتبعني فاقو

اما على الصلاة في المصلية هيهيهيه بغرضي الطالب غير يصلي بينا نخرجو مكلاش الخطبة انتاعوا باش نروح..؟

و كي نخرج نضور في الديور انتوع العايلة نبغي نسمع كلمة WAAAHH*WAAAAHH

غير ليا وحدي ( يخي حامق و الله ) معليش و نزيدكم شوي معليش

king akbour كان يربي الشعر عكس ضورك كان شعرو كبير و الله تقول (نخلة ماشية ولا حاط فوق راسو

بشكيرة علا خاطر شعرو حرش هههههههة)

و كيما قال king akbour في خبر القاطو لوكان ما ندخلو لكاش دار و ما نعبي الشكارة راني ما عيدت عليهم

و جيوبي لازم يتعباوا كوكاو اي يا الصغر و الله ذكريات ملاح يا ريت ...؟

و كي يفوتو هادك ثلاثة ايام انتوع العيد تقول لي الوالدة الله يخليها لي و يحفظا

يزاك خلي حولاك للعيد لكبير ولا لدخلة ليكون هههههههههههههة انا و الله ما نسمع لكلام هي تخبي وانا نسرقهم

و نروح نخرج بيهم و نتباها بيهم شوفوني و ديما نتقوعر على king akbour

بصح ضروك الحمد لله نقولو تعقلنا ولينا غير عباية و شاش و للقدام

سمحولي طولت عليكم في لحكاية و كاين بزاف

و صح عيدك خويا king akbour بقيت غير انت ما شفتك قالو لي راك ما خرجت بوك ما شرى ليك لحوالا

يوميات جميلة جدا فكرتنا بأيام زمان ........ بارك الله فيك
لكنها لا تختلف كثيرا بين جميع أفراد شباب تيديكلت .......
عيد سعيد وكل عام وأنتم بألف خير.

هههههههههههههههههه
أنا كان شعري كبير؟؟؟؟؟؟؟؟؟
اييييييييييه أنا أول واحد خرج على (كوب هاوس) هنا في لبلاد واش بيك
راك تشفى "كوب كاسكيطا" ، "كوب قاطويا"

عيب عليكم اخوتي كنق وقود راني باغي نطرطق بالضحك .
والله متعتونا بهذه المغامرات الاكثر من شيقة ،حتي انني اعيد قراتها مرات عديدة شوقا ريام زمان
ومازادني محبة في هات الوميات الافكار والكلمات التي تجعللكا تعيش ايام زمان لحظة قرائتها
ياربي يكون في عونكم اختي نفستوا وخففتوا علينا الهم
بارك الله فيكم
وسمحوا لينا اذا لم نكفيكم حقكم من السناء عليكم وشكركم .

عيد سعيد و كل عام و انت بخير مع قع الجماعة و الله الا ذكرياتكم وحدها خويا الكينغ و انا الي كنت حاسبك ملاك الا حشيشة طالبة معيشة تتمسكن ياسر و انت داير رايك مي قوليا واش من ديار هادو " "خالتي فلانة تخدم القاطوا بزاف هي لي نسبقوا بيها وخالتي فلانة ما تخليناش نخيروا هي لي تمد لينا نخلوها هي الزاوجة وعمتي فلانة ما عندهاش القاطوا تعطينا غير الريحة نديروها خليها هي التالية"
الاقول صحيت ماني فاضحك ههههههه
المهم الذكريات انتع بكري زينة ياسر مافيها كل هاد الزخم من المصالح و لحوانيت ياسر و التكاليف الباهضة حاجة صغيرة تملي ليك عينك ماهو كيما ضرك دايما تحوس على الغالي و على الحاجة النادرة و الي شافها فالتلفزيون و الي ماعندو سيارة يقول ليك مانعيد على الناس و زيد حتى لوكان مشى للناس يقول ليك ما ياكلش القاطو انتاعهم الا مبلبل كل شي ولاو فيه شروط و حسابات بكري ماكانت كاينة ، العقليات تبدلت و كل شي ما بقى كيما زمان ايوا نبقاو نترحمو على ليامات الي فاتو و نخلوها ذكريات نتداولوها بيناتنا
الله يعطيكم الف عافية يا الكينغ و قود بوي و قع الجماعة

بارك الله فيك خويا رياض انت تاني راك فنان في هاد المجالواختصاصي في لحكيات انتوع زمان ايبان لي راكم في ثلاثة في لاج وسنة وحدة ، المهم مشكور اخي رياض انت تاني راك سليتنا شويا ربي يخليك لينا
تجياتي لك الاخ رياض

يعطيكم الصحة خاوتي
رياض ومحمد شفتوا كيفاش فكرتكم في يامات زمان
ربي يجعل الخيرة

وينهم الاعضاء الباقيين؟؟؟؟؟؟؟؟؟؟

بارك الله فيك خويا كنق انت تاني يعطيك الصحة

هههههههههههههههههههههههههه
اك فكرتونا بأيمات زمان
واش يا كينك ملاتي لنتا لخرجت *كوب هاوس *في عين صالح بارك الله فيك نعم الموضة

medabdoula كتب:: عيب عليكم اخوتي كنق وقود راني باغي نطرطق بالضحك .
والله متعتونا بهذه المغامرات الاكثر من شيقة ،حتي انني اعيد قراتها مرات عديدة شوقا ريام زمان
ومازادني محبة في هات الوميات الافكار والكلمات التي تجعللكا تعيش ايام زمان لحظة قرائتها
ياربي يكون في عونكم اختي نفستوا وخففتوا علينا الهم
بارك الله فيكم
وسمحوا لينا اذا لم نكفيكم حقكم من السناء عليكم وشكركم .

اضجك برك و الله مزال كاين بزاااااااااااااااااااف لوكان نحكي ليك الذكريات تموت من الضخك هيه

املا خلينا شوي شوي كي نحس بيك توحشت الضحك نطرطقك بالضحك لين تعفر

ههههههههههههههههههههههههههههههههه ماتخاف عليا انروح مانوليش بالضحك ؟

الله الله عليك
ياخويا رانا عايشين أه

ويزذاذ اعتزازونا بك اخي الكريم بهذه اليوميات ، فهل من جديد.

» ஓ♥ يومياتي (مجزرة العيد) بقلمي الخاص ஓ♥
» ஓ♥ يومياتي (ربي يهدي ما خلق) بقلمي الخاص ஓ♥
» ஓ♥ يومياتي (الموضى -1-) بقلمي الخاص ஓ♥
» ஓ♥ يومياتي (الموضى -2-) بقلمي الخاص ஓ♥
» ஓ♥ يومياتي (وقت اضافي) بقلمي الخاص ஓ♥