فلســفة حـــمار

عجبى عليك يابن ادم يا كبير الدار

قومت الدنيا وما قعدت لما قالوا حمار

هو اسمى شتيمه ولا جنسى عار

خلقنى ربى وخلقك ولا حد له خيار

وانا مهما زاد الحمل فوقى صابر على المشواار

لا فى يوم اقول اشمعنا اخويا واخد منه تار

ولا يوم ابص لرزق غيرى واطق منه واغار

ولا ارفع فيوم عينى على جارتى واصون الجار

ولا مهر ادفع لحمارتى وشبكه وسوار

ولا شقه اجمع فى تمنها ولا اجهز دار

ولا حرمى حامل تتوحم تريد كافيار

ولا بنت تخرج عن طوعى وتجيب العار

ولا ابن يدمن ويهلوس ويقع ينهار

عايش فى حالى متهنى ولي افكار

باكل وبشرب وانهق ومفيش اسرار

وعندى ابن ادم يخدمنى ليل ونهار

ان جوعت يشترى برسيمى باغلى الاسعار

وفى مرضى يفضل يعالجنى ويدعى الستار

خادم امين من غير راتب ولا حتى ايجار

عرفت يابن ادم مين فينا الحمااااااار

فلســفة حـــمار Quote

والله شيئ جميل ومضحك فلســفة حـــمار 615148