ஓ♥ يومياتي (في سنة 2020) بقلمي الخاص ஓ♥

بسم الله الرحمن الرحيم

أهلا بكل أعضاء المنتدى الغالي

اليوم يا جماعة حلمت بواحد الحلم عمري ما حلمت كيفوا وقلت والله ما نتهنى حتى نحكيه لخاوتي بالاك يعجبهم وبالاك نلقى واحد متأثر بفيلم يوسف الصديق يفسروا ليا.
الحلم بدا كنت قاعد فواحد الصالة كبيرة مريح وحدي وأنا هاكدا مريح حتى صونا واحد التليفون كان حداية وبقى غير يصوني ماحبش يحبس، قلت خليني نهز عليه ونشوف شكون.

أنا: آلوا .....آلوا........آلوا ........شكون معايا
الآخر: (بواحد الصوت يخلع) أنا العفريت ملك عالم الجن.
أنا: واش جيت تحوص عندي راك غالط يا سي عفريت في النيميرو
العفريت: لا منيش غالط ولا منيش نهدر مع king akbour
أنا: (مخلوع) هو ايه بشحموا ولحموا
العفريت: عندي ليك رسالة باغيك توصلها لقع لي تعرفهم وتبلغهم بيها
أنا: تفضل يا سي العفريت قول رسالتك
العفريت: في سنة 2020 ضوك تتبدل لبلاد ويولوا قاع الناس عايشين في لهنا ما يبقاش الفقير وما يبقاش البطال وما يبقاش المهموم ويولوا قاع الناس في بلادك يعيشوا بأمن وسلام، الخضرة تولي رخيصة 100 دج تشري ليك قضيان نتاع سمانة ويشيط ليك الصرف لبلاد تولي نضيفة ما يبقاش لوسخ في الطريق، وما تبقاش تشوف الطرقان مكسرين...............الحصول أنها تولي جنة

ومبعد كوبا داك العفريت وبقيت انا نخمم فيه راه يقول الصح ولا غير يكدب وحتى لو كان يقول الصح في 10 سنين لبلاد رايح تولي كيما حكا لي.
راه ملي خرج الاستعمار ولبلاد راهي كيما هي شي ما زاد بالعكس ماشية وتنقص.
وبقيت نخمم فهاديك الحالة حتى وين زاد صونا التليفون مرة تانية هزت عليه.

أنا: آلوا
العفريت: واش بيك تخمم هاكداك ما تقلقش لي حكيتوا ليك يصرى في 2020 هجري (تك يا وعدي)

فهل من مفسر

إلى اللقاء في الحلقة القادمة

على حساب ما رانا عايشين و نشوفو فيه حتى في 2020 هجري ماتولي هاك بالعكس ماشية و تتهرد
الله يخرجنا منها على خير و عافية و مسلمين

يامن عاش انت و هاد العفريت انتاعك

نقول ليك فاقو حتى لو وصلنا لديك التاريخ تولي اكثر من هكا خو

نوض من الرقاد او عي ولا نقلب عليك طاس ماء

بسم اللله عليك ياك ما جاتك السخانة

ههههههههههههههههههه

شكون لي عندوا الحق العفريت ولا نتوما

أضغاث احلام وما نحن بتأويل الاحلام بعالمين
ارقد وتغطى مليح مرة ثانية...
وقيلا ما صليت العشاء على بيها جاك العفريت

هذا العفريت ما يكون غير واحد من حداك
ههههههههههههههههه

بسم الله عليك اخي الكينغ

عود اقرا المعوذتين قبل ما ترقد

بسم الله بسم الله يا الكينغ هاد ليام راهي مخلطة عليك الصيام من جهة و السخانة من جهة تانية و زيد بالزيادة ماراكش تشرب دواك اشرب دواك يخير ليك و توضا و صلي يا حصراه وينو هاد العفريت العاقل الي يقعد يسايس فيك
راني نشوف فيك هاد ليام راك بديت تهترف ايوا ربي يجيب ليك لعقل و حتى لوكان كاين العفريت صح هو خاطيه

هههههههه

اه يا كينك شكون هذا العفريت لباغي احن فيك و خبرك بعلم الغيب
روح توضى و صلي و اقرى المعوزتين و اية الكرسي قبل ما ترقد راني عالم بيك هذا الليام راه غالبك رمضان

ههههههههههههه
أيه خلاص يعطيكم الصحة على النصائح راني جربتهم ونفعوني ومابقاش رجع لي داك العفريت

» ஓ♥ يومياتي (شهر الرحمة) بقلمي الخاص ஓ♥
» ஓ♥ يومياتي (شهر المفارقات) بقلمي الخاص ஓ♥
» ஓ♥ يومياتي (قربيش) بقلمي الخاص ஓ♥
» ஓ♥ يومياتي (ربي يهدي ما خلق) بقلمي الخاص ஓ♥
» ஓ♥ يومياتي (الموضى -1-) بقلمي الخاص ஓ♥