ஓ♥ يومياتي (وقت اضافي) بقلمي الخاص ஓ♥

بسم الله الرحمن الرحيم

اهلا بكل أعضاء المنتدى الغالي منتدى شباب تيديكلت

اليوم عندي كلام لدوك الناس المخلوعة من رمضان ودوك الناس لي كان عليها رمضان تقيل على خاطر كاين واحد الناس ما عجبهاش كي قالوا البارح بلي رمضان بعد غدوة جاتهم شوي تقيلة شغل هادوك نتوع لجنة الأهلة زادوا يوم من عندهم زكارة فيهم .......اتقوا مولاكم وخافوا ربي نورمالمو نفرحوا كي زيدوا لينا نهار إلا عرفنا قيمة هاد الشهر ........نورمالموا نبكوا إلا قالوا لينا غدوة العيد مادا بينا رمضان مايرحوش سيرتوا كي والفناه.

صحة نسقسيكم حاجة كاين واحد فيكم كان يستنى أذان المغرب بفارغ الصبر قبل رمضان ...... ماكناش نسمعوا بأذان المغرب ، في رمضان ماشي نسمعوا برك ....كيما يقولوا نستغلوا لهاديك النغمة العذبة نتاع الأذان تماك تعرف قيمة الأذان غير هاد اللحظة برك تخليك مادابيك رمضان ما يروحش.
واليوم تعالى تشوف واحد العباد تلقاه نورمال ريكلامي ماعجبوش الحال..........حتى حد ما ضربك على يديك وقال ليك صوم هاداك النهار.
ولا يوم جاك بزاف سبحان الله واحد يحوس على الأجر وواحد هارب منوا

ஓ♥ يومياتي (وقت اضافي) بقلمي الخاص ஓ♥ Baki889109469

ஓ♥ يومياتي (وقت اضافي) بقلمي الخاص ஓ♥ Baki889109469

اللهم أهدي أمة محمد أجمعين

الله يهدي ما خلق
وما دا بينا ما تحبسش هاد اليوميات بعد رمضان
صراحة نحكي على روحي راهم عجبوني ووليت نستنى فيهم ونحوس عليهم بفارغ الصبر

تقصر و لا تطول رمضان يرجع العام الجاي او الي بعدو او الي بعد بعدوووو مي شكون يضمن بلي رايح يحضر ليهم مالا الي ما راه عاجبو الحال يخير ليه يبروفيتي شوي فالايام الي حضر ليهم احسن او واش فيها كان زادو يوم و لا اكثر راه كل شي محدد او باين ما راهم يجيبو من راسهم على حساب الشوفة اصحاب المعاصي راهم مقلقين وقتاش يرجعو لطبايعهم الشينة ايوا ربي يهديهم مالا احنا نقول ليت كل شهور السنة رمضان ايام رمضان قع مبروكة و الخير الي فيها ما تلقاه في وقت اخر ربي يحضرنا و اياكم للعام الجاي و يتقبل منا و منكم خالص الاعمال و العبادات و الصيام و عيدكم مبارك و كل عام و انتم بالف خير و عقبال اعياد اخرى