قصيدة باللهجة الجزائرية هههههههه

قصيدة باللهجة الجزائرية:
نصحوني اصحابي مرة بالزواج .....وقالوا لي بركاك من التعواج
واهي رايحة ترميك الامواج ....اذا بقيت في بحر العزوبية
بقيت في الليل نطلع الحساب......ولقيت كلامهم صواب
وفي الغد بعثتهم نواب .......يطرحوا لاهلي القضية
بابا وافق في الحال ......وقال جيبوا بنت الخال
ويما جاها في البال.....تخطب لي وحدة بدوية
تفاهمنا على بنت المدينة ......قالوا راها فاهمة ورزينة
راهي تخمخم في الكوزينة ....تطبخ طبخات شهية
عولنا قصدنا الدار....حاملين في يدينا النوار
ودرنا رواحنا زوار .....قاصدين البنت المعنية
الراجل يشكر في بنته و يزيد.......قارية ما تركت مسيد
وصحيحة كالحديد .....بنت العلم والتربية
قلت واش هي الشروط ...راني صرت بيكم مربوط
ومالي عندكم محطوط .....ونزيد لكم الشهرية
قال لي يا وليدي سجل .....عشرين صباط باش تبدل
وخمسين سروال مفصل ......ويكونوا ضيقين شوي
وزيد كيلوا ذهب صافي ......وتجيبوا وانت زاهي
والشنتوف ماهو كافي ......راني درت فيك مزية
بنتي راهي غالية وشريفة .......ماتتركش يديها خفيفة
عشرين خاتم في قفيفة.......وتحطهم في يديها هي
كرفاش بولحية ماتنساش ....والمليون لازم يكون معاه
والحايك لازم منو تلقاه .....وتقدموا لبنتي هدية
قال لي اسمع يا سي موح ........بلاك تنسى خيط الروح
باش يزيد لبنتي في الروح........وتبقا ديما حية
تشري لها عشرين لكباش ......والجاج المشوي ماتنساش
جابو لي العروس للبيت ...وكي شوفتها من الخوف بكيت
قالت لي لازمني نبقى حرة .....ويماك لازم ترميها برة
وما تكثرش من الهدرة ......راني طفلة حضرية
قالت خف اطلع البرمي .....قلت يا امراه لازم تفهميني
ترفدي حوايجك وتلمي ......وتطيري اليوم عليه
::::::::::::::::::::::::::::::::::::::::::::::::::

منقوووووووووووووووول

وين صبتها مشكور عزوز على القصيدة

هههههههههههههههههههههه
مشكور اخي عبدو على المرور

الله يبارك تخرج لينا خرجات منيش عارف من وين ......؟

و الله مليحة

الاحسن ان كنت تريد قولها قولها على شكل موووووووال

ولا على شكل
راب
ولا
hiphop
Mercy
Azoz

قصيدة رائعة جدا تحمل العديد من المعاني في طياتها

المصدر أخي عزوز فهي ليست من إنجازاتك

نعم أخي جلول هي ليست لي لكن لم اجد من كاتبها

قصيدة حقيقة غاية في الروعة و تحكي الواقع بادق تفاصيليه
ايوا خويا عزوز واش رايح تدي بالنصيحة و لا رايح تجبد روحك ؟؟؟؟؟؟
على كل حال مشكور على المساهمة الطريفة