ردي على أبيات الشاعرة العنود العلي
الرجال يا أبية دوم يوفون العهود
أختلف معْ كل كلمة تكتبيها يا العنود
الرجال أفعال مهما صار في هذا الزمان
كلمة الرجّال رمح ن لا يلين ولا يعود
ثابتة في كل حزة حتى في أصعب ظروف
نهجها صدق النوايا واختصارات الحروف
إن بغيتيها حكاية داوت أحزان اليتيم
وإن بغيتيها رواية هز معناها الألوف
والفئات اللي ذكرتي برا قاموس الرجال
نادرة بين الخلايق هرجها مثل الخيال
اللي يلعب بالمشاعر هقوته دايم يصيب
واللي ما يعرف يفرق ذا حرام وذا حلال
حنا نسقي كل وردة دايم بحب ووئام
والسموم إن فكرت تأذيها تعلن الإنهزام
وإن تمنيتي الإبادة كيف بتعيش الورود
كيف تخضر الأراضي كيف ننعم بالسلام
[center] azoz sika