لحظة غروب

( تم نشرها مسبقآ على جريدة اليوم .. على صفحة في وهجير .. )





سحر البحر والشمس في لحظة غْروب .. كن البحر يطلب من الشمس تسري
أذهل عيوني وقتها صارت تْذوب .. في وسط جوفٍ غرّق أحزان صدري
غابت وخلتني وحيدٍ و مرعوب .. اشرب ألم واسقي همومي وبذري
حتى الطيور اللي توالت بذا الصوب .. راحت تلاشت بعدها زاد قهري
صب الظلام الكحل في خد محجوب .. وأسدل ستار الخوف في نص شعري
بانت عيون الليل والنور مصحوب .. ضوّت سما كوني نجومٍ وبدري
وأقبل خيال الزين والشوق مسكوب .. في دفتري بلل حروفي وحبري
جلست وحدي أكتب الحب مغصوب .. عانق سحاب الليل روحي وعمري
برسم على التربة مكاتيب وقلوب .. بعاند الأمواج لو طال صبري
أمواج تمسح ما على الرمل مكتوب .. ما تدري إني ناقشه وسط صدري
وأرسم رموش العين في صفحة الثوب .. وأشق ثوبي بعد ما أرش عطري
قطعة قماشٍ تحتوي رمش محبوب .. يمكن تذكرني بطيفه ويطري
صار الألم والشوق والهم مشروب .. يروي فؤادي بالحنايا ويجري
اثر المحبة ذايبة داخل الكوب .. اشرب شقاها ويجبر الحب كسري

[[/justify] azoz sika

argo an yagbkm hth maieda