ஓ♥ يومياتي (شهر المفارقات) بقلمي الخاص ஓ♥

السلام عليكم ورحمة الله تعالى وبركاته

أهلا بكل أعضاء المنتدى الغالي منتدى شباب تيديكلت

لقيت بعض التجاوب والتعاليق في الحلقة الأولى من يومياتي هوما لي شجعوني باش نكتب ليكم الحلقة الثانية لي باغي نهدر ليكم فيها على الباقار (التفاتينة) لي تكتر في شهر رمضان (سبحان الله).
البنادم مريح على روحوا مابيه ماعليه كي جي رمضان ينوض يضارب ويسب ويعيط على شيء قلتوا فايدة ما يستاهل والوا ... زعمة شوفوني راني صايم ... تقول غير هو لي صايم.
والكارثة الكبرى لي تشوفها أنوا ما يستحي ما والوا ما يقول عيب عليا الناس راهم يشوفوني ولا راهم يسمعوا فيا. تسمع قاع لكلام (كلام الزين، كلام العيب، كلام ماعندوا حتى معنى، ......الخ).
وياويلك إلى جيت تلعب فيها تمثل دور البطولة وتلعب فيها تفك ولا تصالح والله غير ضالم راسك ماكلاش قاع نقول ليك.
والشيء تاني لي شفتوا، كي يبقى للآذان واحد 5 دقايق ولا 4 تعالى شوف في الشارع لي حدانا (رالي داكار) السباق نتاع الكراريس شكون لي يلحق هو الأول ما تشوف غير الغبرة، والله غير تحير أنا قلت بالاك لي يلحق على الأذان عندوا بونيس (Bonus) ولي يلحق هو التالي يريح صايم ما يفطرش حتى لغدوة.
أنا استنتجت حاجة في التالي أنوا شهر رمضان شهر الرحمة والمغفرة والعتق من النار وشهر المفارقات.

اللهم إنك عفو تحب العفو فعفوا عنا

إلى اللقاء في الحلقة القادمة

ههههههههههههة يا كينغ والفتنا بخرجاتك كيما هادي اللي راك تقولو صحيح سيرتو رالي دكار اببببببب الله يستر

كي نكون مريح في الشارع نسنا الاذن واش نقول ليك تسمع غير الموتور معصور

و الله و عندك ما تضحك على الغاشي كي تكون مريح كل واحد و كيفاش حشا البعض

و الله كيما قلت تقول غير هوما صايمين العينين حمر و الشوارب غبش و يحمر فيك ياويلك لوكان تهضر ولا تتمسخر

بيه رحت غير نوض من بلاصتك الحاصول بلاما نقول ليك راك تشوف معيا كل يوم واش كاين

و كاين واحد في الحومة تقول غير هو اللى صايم راك تعرفو ديما داير قفة حس

وينو رمضان ضورك

واش نقول ليك ....؟ رانا قاع مشارجين كيفك

وسيرتو في الجامع ههههههههة و الله غير تكرز تعرف اعلاش كاين واحد الناس ماعندهم صلاح غير لكلام و كي

يوقف يصلي يكتلك بالتقراععععععععععععععععععععععععععع كي تشمها و الله تقول جايب الكوزينة معاه في كرشو

الحمد لله على كل شيء

اللهم إنك عفو تحب العفو فعفوا عنا اللهم إنك عفو تحب العفو فعفوا عنا اللهم إنك عفو تحب العفو فعفوا عنا

صح فطورك خو

ههههههههههههههههههههه
جبتها خويا good boy والله عندك الحق

تعجبني

جوزيت أخي وأصبت كبد الحقيقة...
أتعلم مالممتع في الأمر :
أنك تكون تحس بشعور داخلي يملؤك تجاه أمر معين ثم تجد شخصا بينك وبينه مئات الكيلومترات يشاركك نفس الهموم ، فساعتها أجزم انك تقول:
اللهم فرج عنا كربنا وأذهب همنا واحشرنا مع من أحببنا في مقعد صدق عند مليك مقتدر
أخوك جلول

آمين يا رب العالمين

يعطيك الصحة والعافية خويا جلول

وصحة رمضانك تقبل الله منا ومنكم

لازم نتعلموا حاجة من شهر الصيام وهو الصبر والصبر وهادي فائدة من فوائد رمضان والله غير غريبة تلقى واحد صائم ويحوص مع شكون يدابز على كل حال مشكور خويا على الموضوع وصحا سحوركم

تواجه رررررررررئع ،ويوميات اروع .كنا نقـراء عن يوميات العقاد وكتاب اخرين ،فالحمد لله الذي وهبنا من يكتب لنا عن يوميات اهالي سكان التيدكلت .رررررررررررررررررررئع فنحن سنداوم على قرائة يوماتك يا قود بوي . فلا تحرمنا منها .
فبارك الله فيك اخي الكريم

هل من جديد

ههههههههههههههه الله يهدي ماخلق

هل من يوميات .يااااا قود بوي

هادي زينة انتع الصح نفس الهموم و الاحداث رانا نعيشوها كيما انتم ايوا ربي يهدي ما خلق

medabdoula كتب:: هل من يوميات .يااااا قود بوي

و الله يا خويا كاين يوميات عندي و الله غير تشد كرشك بالضحك لوكان نحكي ليك غير تنسا الهم اللى راك فيه

المشكل كي نحكي ننسى روحي و نقعد غير نخرج يا خويا medabdoula

غير جبتها يا خوية كود
كاين وحدين في الجامع دقول جايب معاه الكزينة
ههههههههههههههه
ربي يهدينا و يهديهم

وين راك يا صاحب الموضوع توحشنـــــــــــــــــــــــــــــــاك ^_^

» ஓ♥ يومياتي (قربيش) بقلمي الخاص ஓ♥
» ஓ♥ يومياتي (في سنة 2020) بقلمي الخاص ஓ♥
» ஓ♥ يومياتي (ربي يهدي ما خلق) بقلمي الخاص ஓ♥
» ஓ♥ يومياتي (الموضى -1-) بقلمي الخاص ஓ♥
» ஓ♥ يومياتي (الموضى -2-) بقلمي الخاص ஓ♥