ஓ♥ يومياتي (ربي يهدي ما خلق) بقلمي الخاص ஓ♥

السلام عليكم ورحمة الله تعالى وبركاته

كيف راكم خاوتي الاعزاء
بعد غياب مليء بالمشاغل والمشاكل والشناكل عدنا للكتابة والكتابة فقط

إخواني أخواتي كاملكم على بالكم بلي راكم في العشر الأواخر نتوع رمضان وكاملكم تعرفوا العشر الأواخر وفضلها والأجر العظيم لي فيها كي صغيركم كي كبيركم، وعلا بالنا في العشر الأواخر تزيد طاعة وتزيد الصلاة النافلة وتزيد الزكاة وتزيد قراءة القرآن ويزيد الخير لأنهم بالطبع العشر الأواخر من رمضان وليلة من دوك العشرة هي ليلة القدر ممكن ليلة 21 ولا 23 ولا 25 ولا 27 ولا 29 ........المهم راك عارف واش راني حاب نقول أنوا مكانش كيما هادوا ليامات لي حاب يعوض لي فاتوا ولا لي حاب ربي يرضى عليه.

لكن هيهات ثم هيهات ثم هيهات على الغاشي الراشي نتاعنا مخك يحبس مايبقاش يخمم على الطبايع لي ولينا نديروا فيهم غير تبدا العشر الأخوار تعالى تشوف في الجوامع نصهم فرغوا من المصلين سبحان الله وين راحوا تعالى تجي تشوف في صلاة التهجد ماكان حتى واحد وإلا لقيت تلقى غير شوابن ........ماعليناش.

تعالى تشوف فالسواق والحوانيت والفترينات الله يبارك على داك الغاشي الراشي ناس لبلاد قاع تتسوق من الرغم أن النص لكبير ما جاش باش يشري بصح لواش جا ......"الله أعلم" هادا يشري وهادا يبيع وهادا يبلق في الغاشي وهادا يسرق وهادا ................ سبحان الله.

الخيمة الرمضانية

مصطلح يحبس المخ، إلا جبت أي واحد قاوري (أجنبي) وماعندوش علاقة بالاسلام وسقسيتوا واش معنات الخيمة الرمضانية يقول ليك بالطبع خيمة للعبادة والتنسك والذكر والتسبيح والصلاة مادام خيمة رمضانية. البروبلام أنوا صحاب القهاوي والروسطورات ودور الشباب وبرعاية ثقافتنا الله يبارك عليها استطاعوا بقدرة القدير يبدلوا هذا المصطلح 180° ورجعوه لأماكن السهر واللهوا والأغاني والرقص (مع احترامي لبعض الخيم الرمضانية) أما لي بقى سمح لي خيم شيطانية وليست رمضانية.

وكيما نقولوا حنا في لبلاد "ربي يهدي ما خلق"

إلى اللقاء في الحلقة القادمة

ربي
يهدي ما خلق
هذي هي الصح

ربي يهدي ما خلق و ربي يهديك حتى انت يا الكينغ اليوم ما قلت والو هاد الشي الي قلتو من زمان يصرا يعلم بيه القاصي و الداني ايوا شوف لينا حاجة تانية يرحم و الديك
علبالك و الله عندك مستقبل زاهر باش تكون جد يحكي لاحفادو ايوا رانا نسناو فحكاياتك الجاية
و صح فطورك و ربي يتقبل منا و منكم خالص العبادات

لا حول ولا قوة الا بالله
ربي يهدي ما خلق

الله يهدي ماخلق

ربي يهدي امة محمد

السلام عليكم و رحمة الله

بارك الله فيك أخي على هذه اليوميات التحسيسية
و لو أنها لو كتبت بالعربية الفصحى لكانت أحسن

في ميزان حسناتك

كتبتها بدارجة باش تفهموني ونفهمكم
شغل رانا نقصروا

مشكور اخي الكينغ على يومياتك

وربي يهدينا جميعا

لا شكر على واجب
نحن في الخدمة

بارك الله فيك خلينا ديما في خيمتك هنا

بصح نقول ليك الصح الجوامع فرغو من قبل العشر الاواخر راك شفت بعينيك كي من مدة لاحظت هذه الملاحظة

و حكيتها ليك خويا لعزيز

المهم تهلا

هي صح خويا لعزيز

ح ربي يهدي من خلق

» ஓ♥ يومياتي (الموضى -1-) بقلمي الخاص ஓ♥
» ஓ♥ يومياتي (الموضى -2-) بقلمي الخاص ஓ♥
» ஓ♥ يومياتي (وقت اضافي) بقلمي الخاص ஓ♥
» ஓ♥ يومياتي (شهر الرحمة) بقلمي الخاص ஓ♥
» ஓ♥ يومياتي (شهر المفارقات) بقلمي الخاص ஓ♥