ஓ♥ يومياتي (الموضى -1-) بقلمي الخاص ஓ♥

بسم الله الرحمن الرحيم


أهلا بكل أعضاء المنتدى العزيز منتدى شباب تيديكلت

اليوم حبيت نحكي ليكم على واحد الحاجة ماعجبتنيش وعلى حساب عنوان الموضوع راكم عارفين واشنوا هاد الحاجة ألا وهي الموضة وحنا رانا في العشرة الأواخر والعيد قرب يعني ما شي الموضة في الهدرة ولا المشية ولا تسريحة ولا........... راني نحكي ليكم على الموضة نتاع الباس وياريت لو جات الموضة اسم على مسمى يعني تلبس حاجة مليحة تستر بنادم ونظيفة وما شي مقطعة ما شي لحوالة نتوع ضرك لي مايليقش ترميهم حتى في المزبلة، يعني تجيب حوالة خادمين تحرقهم وتحكهم وتعطيهم لكلاب حاشاكم يقطعوهم وتحط عليهم TICKET نتاع شركة مشهورة وكي يشريها واحد قاع الغاشي يتبعوه.......سبحان الله.
هادا هو لي نقولوا ليه التقليد الأعمى ، أنا ندير كيفك وحاجة مادخلك فيها.
نقول ليكم الصراحة ما بقيت عارف واش من مجتمع رانا فيه مجتمع إسلامي مبني على الوقار والحشمة ولا مجتمع غربي تسود فيه الحرية بالمعنى الخاص بهم
وراني نقول ليكم هاد لكلام نقصد هادوك الدراري لي راهم يشروا في حوال العيد يشروا لي يتشرى ولي ما يتشرى بصح لافوت ما شي ليهم لافوت لوالديهم لي مايطلوا ليهم وما ينصحوهمش ويعطوهم الدراهم باش يشروا واش يحبوا.
يرحم باباك قول لي العيد عيد وأنت تخرج بحوالة ماكانش منهم ربي يهدينا ويهدي والدينا أجمعين.

وفي الأخير ما تقولوش راني هدرت على لولاد ونسيت لبنات ماتخافوش ضوك نهدر ليكم على لبنات في الحلقة القادمة غير ماتقلقوش خاوتي راني جايكم.


إلى اللقاء في الحلقة القادمة

والله بارك الله فيك أخي كينق عن الموضوع الجد مهم، بلاخاطر واجب علينا البينو للشباب الخلطات اللي يديروها الله غالب عقلهم ناقص ..... ولوكان ما وريناهم لحنا الطريق الصحيحة شكون راح يوريها ليهم......
بصح ألا بلعقل شباب اليوم مقلقين ياسر بالك تهدر ليه بطريقة مباشرة يزيد فعماه وهداهوا الشي اللي يخافو منو لبات ما يقدو ينصحوهم. يقوليك لوكان نكلمو يهرب ليا من لبلاد......
لازم نحاولو نفهموه بلي راه كي يلبس هاد لحوالا يولي مبهدل، ونعرفوه على حقيقة هاد الناس اللي راه يتشبه بيهم
وغيرها من التوجيهات ..... وكي كل واحد منا يقوم بهاد الدور لا بد نقضيو على هد الظاهرة.

بالتوفيق يا كينغ

شكرا لك على الموضوع الأكثر من رائع والذي كنت قد طرحت موضوعا مثله إلا أنه كان بصورة جدية ويختلف عنه في بعض التفاصيل
للإطلاع على الموضوع الذي كتبته بعنوان: هل يعني هذا أني لن أستطيع أن ألبس ما أريد؟ الرابط التالي بالمنتدى:
https://tidi.ahlamontada.net/montada-f17/topic-t3728.htm#20563

آمين و يهدي أمة محمد لما فيه خير

آمين

بااارك الله فيك اخي كنق .والله راك حببتنا في هاد المنتدى اكثر واكثر بهذا اليوميات الاكثر من رررررررررررررئعة فلا تحرمنا من مشاركاتك.

الله يهديهم ولاوا إلبسوا ملابس كما انتاع النساء نتوع دروك
كيما اقولوا ليه السيري
ما همش عارفين بان الملابس الضيقة تسبب امراض العقم

ايه عندك الحق بصح ايلا تقولها ليهم يضحكوا عليك ويقولوا ليك متخلف

تشرفت بيكم وبأفكاركم النيرة

سبيانسور اقول ليك متخلف
بصح نهار امرضوا اعرفوا باش عندي الحق

هذا لعام تريكو تاع المدرب على جميع انحا الوطن

هههههههههه

تحيا لعبايا والشاش

شفت كيفاه

و البازان

قول اللباس المحلي واش من عباية والشاش هي لبسة محلية راقية تستحق التقدير .

بوركت يا أخي لقد وضعت يدك على الجرح كما أني استغرب ان يقع في مثل هذه الامور المثقفون المحسبون على الثقافة وأعني بهنم طلبة العلم سواء طلبة جامعون او غيرهم
الله يهدي من خلق

لاتنسى اخي ان تكتب لنا عن يومياتك ايام العيد ؟

بالطبع إن شاء الله

مشكور على التذكير

باين الموضوع على اللباس و الحلويات